| Jan's profileWelcome To Jan Jan's Par...PhotosBlog |  Tools  Help |
|
December 04 個人增肥, 銀包減肥...............December 01 三個願望 ~ F.I.R最近發現Li首歌, 歌詞雖然簡單, 但聽完好開心:
沁： 我喜歡妳的眼神 溫柔又危險 請不要戴上眼鏡 我會看不見 想要張開雙手 把妳寶貝 想和妳天天見面 想帶妳環遊世界 飛： 我喜歡你愛逞強 笨笨的笑臉 在心中抬頭挺胸 堅定的信念 這個遼闊世界 不夠完美 但有了你在我身邊 什麼都很OK 合： 第一個心願 為你 把幸福堆積 天涯到海角 頭髮到呼吸 下一個心願 給你 最好的自己 再許個心願 我的愛把你佔領 沁： 為什麼為了小事 就要掉眼淚 好像有太多的事 只能自己揹 其實只要你說一句OK 現在就立刻馬上 變成你的Superman 飛： 這世上最重要的 不只是誓言 只要你常常記得 親親我的臉 我會永遠 記得這個今天 還有很久的那一天 我也要有你陪 November 28 失方向最近先發覺好多野, 同好多事, 原來唔諗好過諗, 諗嚟都廢嘅! 但又不自覺繼續諗喎! 時間一日一日咁過, 日子就一日比一日難捱,
成日覺得好似好多野要準備, 但又發覺好似又無乜野要去準備,
最近俾某君提出一個問題 - 之後條路要點行?
俾佢咁樣一提, 我先發覺, 我都要諗下我之後條路要點行,
原以為乜都prepare好晒, 有晒計劃, 但原來而家離"有計劃"係好遠,
以為點都會有人喺身邊陪住打仗, 但原來好多野都係要自己去面對,
突然覺得前面好大霧, 條路好難行咁,
夠竟幾時先過咗Li段時間??
夠竟我有無咁好運, 所有我想要嘅野都自動送上門??
我真係好想好想有個地方俾我去尖叫呀~~~
November 24 所有迷底都解開勒!!我一直都對龍鬚糖嗰D絲好有興趣, 好想知道嗰D絲係用咩做!
今日我終於都知道勒! 亦都由零開始見証白雪雪嘅絲係點樣誕生!
原來變成絲之前, 佢係一舊麥芽糖,
個師傅將個麥芽糖放入D煮熟咗嘅糯米粉裡面,
用一支棍桔入中間位置, 然後就開始拉長佢,
直至拉到佢變一條條幼細嘅絲.
我真係無諗過麥芽糖會好似北京拉麵咁, 可以越拉越幼架!
好勁呀!
有新玩具=有新噪音今日帶咗兩份禮物俾瑤瑤同細佬, 佢哋當然好開心啦!
但我覺得好似害咗Polun兩公婆, 因為一開始發晒誓唔會爭嘅細佬, 未夠五分鐘,
佢哋已經開始有小小爭野玩情況, 但好彩好快俾Polun搞掂,
但我覺得最大問題並唔係爭野玩, 而係噪音問題, 由其係個琴, 真係嘈拆天呀!
我聽嗰一陣都想死呀!
不過佢哋帶住個headset個樣都幾有型呀!
"些蛇些"今日見倒細佬, 大病完嘅佢只係瘦咗, 但依舊都咁精靈, 講野仲叻咗..........除咗叫我個名, 我唔知幾時我個名變咗"些蛇些"(Jan姐姐),
叫極佢叫好D, 佢都仲係咁, 但叫阿媽, 就好清脆咁叫"aunt婆", 真係俾佢激死!
同埋今次我發現佢又有新玩意, 就係"強吻"人, 當我哋去買龍鬚糖嗰時, 我抱住佢睇嗰個人整, 佢已經好大力咁熊抱我, 然後又錫咗我幾下,
我忍唔住望住佢問"你做乜野呀?", 佢竟然唔理我, 仲用隻手擰開我個面去一邉然後又係好大力錫, 今次我仲feel倒塊面有口水,
我即刻望住佢, 發現佢原來呻咗條脷出嚟!
嚇死我呀! 我即刻同Polun講, 佢好無野咁話: "係呀! 佢係咁架!" (唔係呀?!............... ~_~")
到我走嗰時, 我叫佢錫我, 佢竟然答"唔錫", 我就話"咁唔睬你!"
佢即刻走一邊走埋嚟一邊講"睬呀! 睬呀!...." 然後鍚我 n_n
真係唔係好想細佬咁快大呀! (大吉利是!) 佢真係好得人鍾意呀! 由其聽倒Polun話佢平時無端端嗌我個名嗰時, 真係"霖"死人呀!
今日見倒細佬, 俾佢氹到好開心, 所有唔開心嘅野都好似忘記晒咁! 多謝細佬!
November 18 超興奮! 勁開心!本來我都考慮過好唔好寫Li樣野落個blog度,
但實在太開心勒! 我覺得我要記落嚟!
件事就係我終於..................避倒藍龜(孖寶賽車)勒!
 仲因為咁, 我先輕易贏咗Diamond~~~~~~
真係開心死呀~~~~~~ ^0^ November 17 Bomberman點解?.........點解?..........有無人話我知點解Bomberman咁難玩架?
每當我好辛苦咁玩到第七關嗰時, 我成日都會自殺式炸死自己架?
我所有執番嚟嘅嘢全部無晒呀!
我而家先知貌似白痴嘅game原來係最難玩架...................... C.W's Wedding Date - 16 Nov 07啱啱去完C.W.嘅婚宴, 好飽! 真係好飽!
可能係晏晝燒野食嘅嘢未落格, 然後又食一餐!
(我下星期一定要游番兩日水補數!)
今日除咗見倒靚靚新娘子之外 (佢D頭飾好特別呀!)
我仲見倒我D舊同事, 真係好掛住佢哋呀!
我覺得如果今日燒野食, 佢哋都喺度,
我諗會好玩好多! 起碼有祖兒喺度搞氣氛嘛!
我喺C.W嘅video見倒佢哋架花車個公仔係"花師奶"同"花生"(好搞笑呀!)
連佢哋嘅回禮都係阿柑最鍾意嘅bear bear熊公仔,
我諗佢哋都真係好鍾意"我們這一家".... (完全係個人意見 n_n)
November 16 今日(好似)好忙呀~~~November 07 激死人勒~~~我太耐無游水勒! 好想游水, 所以就算天氣咁涼, 又自己一個人, 我都好有決心走去, 所以一放工, 我就一鼓作氣咁行去"九公"游水, 點知.................
成個室內泳池俾D人包晒
 ........................睇埋張schedule仲激死人, 打後咁多日, 都俾人book晒個場.......  咁即係點呀? 簡直係趕絶我呀~~~~~~~~
人哋好想游水呀!..............................
  November 03 Diamond's Birthday今日係Diamond嘅生日, 所以整咗我平生第一次整嘅軟心朱古力蛋糕
 , 好彩味道同賣相都好唔錯(有相為証, 我無老吹架!), 不枉我晨咁早就走出去學整 咁我再喺度同Diamond講聲: 生日快樂!!
 , 希望你以後每一日都咁開心啦!  November 01 River Phoenix琴日小欣send咗一條link俾我, 我一打開原來係關於我哋一個已經離開咗好耐嘅偶像, 不知不覺間原來佢已經離開咗14年勒!
其實之前上網, 都試過search過佢嘅相, 但睇完都真係唔開心, 唔明點解佢會咁早就離開, 所以我之後都唔敢無再去search勒, 好驚又唔開心過呀!
我成日諗如果佢仲喺度, 佢會唔會好似Johnny Depp咁紅, 我鍾意Johnny Depp唔多唔少都係因為佢, 因為我知道佢哋係好朋友, 而且又鍾意拍埋D古怪片...........
我第一次知道有Li個人, 係喺一套叫做"Stand By Me"嘅戲入面, 佢喺入面叫做Chris, Li套亦係我最愛嘅電影之一, 我嗰時睇Li套戲真係可以用"瘋狂"嚟形容, 因為每次喺屋企, 一有時間就會開嚟睇, 我諗前前後後都睇咗不下二十次, 套戲雖然係比較sad, 但都忍唔住要睇, 而次次睇完都好感動, 早排我又睇咗一次, 又好無奈地諗點解戲入面嘅Chris同佢本人都係一樣咁早死?
我記得佢離開嗰時我好細個, 報紙雜誌都有講過, 我同小欣就將所有有關佢嘅報導都剪晒出嚟, 然後好有心機咁用畫簿貼起佢哋, 甚至張戲飛票尾因為有佢個樣, 我哋都貼埋入去, 我仲記得套戲叫"My Own Private Idaho", 我仲喺本簿上面寫住"River Phoneix Collection Book", 然後好珍而重之咁收埋佢, 但可惜, 97年屋企裝修, 有D箱放咗喺走廊, 點知有條無良人渣竟然將其中一箱攞走咗, 而嗰個箱放咗好多我嘅野, 有我朋友寫俾我嘅信, 我D相, 同埋Li本簿, 佢條人渣唔單止偷咗個實物咁簡單, 佢簡直係偷埋我嘅回憶................我講過我會一世咀咒Li個人渣隻手一世生嘢然後潰爛再生嘢再潰爛........................直到永遠...............
Li D都係我細過嘅回憶, 每次諗起佢/見倒佢, 我都會諗起當時嘅我喺度做緊咩..............諗番起我原來都為過一個偶像而咁認真做過一樣野, 同埋至今都仲為唔見咗嗰本簿而覺得遺憾.
第一次見倒嘅佢...............
October 29 心臟病發琴日本來心情好好架, 但當我接倒Diamond個電話留言之後, 我簡直由天堂跌咗落地獄..........
我聽完簡直唔相信自己隻耳仔, 我連續聽咗三次, 我再叫飛梅幫我聽多一次, 佢講返出嚟同我聽倒嘅一樣, 但我都死唔信, 再聽多一次.............
個結果都係一樣, 佢喺廣州跌咗個電話.....................
呀!~~~~~~~~~~~~我真係好想尖叫呀!~~~~~~~~~~~~~~~~
之前一分鐘, 我仲同飛梅講我供埋11月就供完個電話.........點知..................
唉!~~~~~~~~不過.................算啦......................我知佢都唔想......................佢都好慘, 我知佢有努力過去搵架勒!
但我個心臟差D負荷唔嚟囉!
 Totally Different終於同keep咗六年長髮嘅我say good-bye勒!
 我仲諗住剪咗之後, 我會feel倒個頭會好輕, 但好似無乜大分別, 不過真係有D睇唔慣囉! 剪緊嗰一刻, Queenie仲問我想唔想喊? 但我真係好想知到個效果會點, 因為太耐無見過自己短髮勒! 剪完嗰時, 我同Queenie講, 我好似返番中學咁呀! 好學生feel呀! 但當佢幫我set完頭, 嗰一刻真係feel倒, 成個人唔同咗呀! 出到街, 見倒鏡都唔認得自己...
 不過我而家最擔心係我唔識搞自己個頭囉! 因為個頭set得好, 會係一個好型嘅頭, 但set得唔好, 我驚會變顛婆, 但如果唔set, 咁個頭就會係一個好普通同好鬼學生嘅髮型........真係好驚呀...........搞唔掂嘅話..........我聽日點返工呀?
 舊嘅我 新嘅我
October 28 好事陸續有嚟琴晚約咗幾好(三個)舊同學出嚟, 其中兩個之前已經firm咗會喺下年結婚, 一個三月, 另一個五月, 今日再有一個半firm話會下年十月, 一時之間, 我所有嘅舊同學好似約埋一齊同一年結婚咁! 大家好似真係要轉去一個新嘅路, 開始一個新嘅生活................ 但琴日見倒佢哋, 好難想像Li幾個仲好似未長大嘅女仔下年就要做人太太勒!
咁我又喺度祝福佢哋同佢哋嘅愛人永遠幸福快樂啦!
 二人時間
只看你都足夠 任風景退後
跟你眼光緊扣 為怕一段段落遺漏 共你終於一起單獨夢遊 就似我身處的不是地球 為這時候等得太久 擁抱你的感覺 並非不快樂 只怕喪失知覺 是怎麼被幸運尋獲 就似開水之中添下蜜糖 又似眼中滲出一滴汗 幸福純屬願望 變真時不懂去講 似花為你留住 趁這刻盛放 時間 枕於你懷內不經不覺流逝 時間 寫於你門外浪浪蕩蕩都不枉費 讓我 悄悄去關上大門過這一世 讓我知道你共我 渡每一秒都感到珍貴 （叫我相信你共我 無甚麼會代替） 時間 躺於你眉上一起一跌消逝 時間 花於你唇上日日夜夜太多話題 讓我 世界裡只有二人永遠放開身邊一切 讓我感覺著你 讓每一秒鐘都變矜貴 October 27 今年第一張紅色炸彈今晚同咗一D舊同事食飯, 一張枱五個人, 就只有我仲喺Li間公司度做.........識嘅同事走嘅走, 炒嘅炒, 真係做到好無癮.
其實今日食飯最主要嘅目的, 就係其中一個女仔結婚派貼, Li張貼係我今年第一張收嘅, 接嗰陣都真係有D手震. 但其實都好開心嘅, 因為你見倒派貼嗰個女仔, 佢真係笑得好開心, 我諗結婚嘅人真係有樣睇架, 佢嘅笑容係比平時更加燦爛.
食完飯之後, 因為好飽, 所以決定行去佐敦搭車, 佢話佢沿路有車, 咁我哋就一齊行, 我哋一邊行一邊傾偈, 後來到佢個巴士站, 因為我哋講到停唔倒口, 所以最後佢都好好咁, 陪我行去佐敦, 到咗佐敦之後, 我問佢喺邊度搭車, 佢話佢要去油麻地, 同埋想去永安睇下有無床買. 咁我就決定同佢再行上一個站.
喺我哋行緊嗰時, 我哋傾咗好多野, 佢話俾我知佢同佢男朋友一齊已經十五年! 係呀! 係拍咗拖十五呀! 唔係結咗婚十五年呀! 又一個稀有動物出現喺我眼前.
我好佩服D人, 由十幾歲拍拖拍到結婚都係同一個, 唔係講以前喎, 而係講緊Li個年代喎!
我成日覺得成年人思想成熟D, 或者都有可能會一心一意, 但都有好多都係唔定性, 更何況係一個十幾歲嘅小朋友?! 喺佢哋身邊出現咁多誘惑, 可以專心一意嘅又有幾多呢?
但原來真係有架! 但諗深一層, 我身邊唔係已經有一個呢咩?! 我哋識嗰時, 佢何嘗唔係一個十幾歲嘅"小朋友"?
其實我諗咁多, 會唔會係擔心緊一樣野呢? 其實Li個問題我成日都問自己, 但當我見倒我D舊同學, 加埋Li個舊同事, 我就好似見倒一線曙光咁, 佢哋俾倒我一個信心, Li個世界係有一D咁專一嘅人, 可以由細個拍拖拍到大甚至結婚都係同一個.
而阿爸阿媽亦都俾倒個好好例子我睇, 俾我知道年齡真係唔係問題, 佢哋都可以走倒咁長嘅路, 點解我唔可以?
所以我唔會再care身邊D人點樣講! 就算講到將來有幾灰都好. 我都相信我一定會幸福嘅!
C.W., 多謝你今晚陪我行咁多路呀! n_n 我喺度再次恭喜你! 希望你同你老公一直幸福快樂, 白頭到老....... October 25 毫無同情心嘅大嬸我每日返工搭lift, 好多時都會見倒一個大約三十幾歲坐住輪椅嘅男人. 出咗lift後, 如果可以嘅話, 我都會行快兩步, 開定個閘等佢出嚟, 咁當然有時其他人都會嘅! 但大部份人嘅視線好似只會向前, 目空一齊咁開咗門就走咗去, 完全無理過嗰個男人, 佢有時諗住推快D架車, 諗住執人尾喺度門未關前衝出去, 但往往架車都會俾度關咗一大半嘅門kick住咗.......我都唔明D人, 係咪真係咁趕呀? 真係等一等都唔得? ...........今日有個阿嬸仲離譜, 我喺lift度又見倒嗰個男人, 架lift落到地下, 隔離部lift咁啱又一齊開, 個大堂霎時間就多咗好多人, 咁Li個時候, 有個大嬸喺隔離部lift慢慢行出嚟, 我見住佢望倒個男人, 然後佢突然急步行, 我諗係人都覺得佢會係去開定門幫嗰個男人架啦! 係呀! 無錯呀! 佢真係衝去開門呀! 仲要好大力去開門.........然後走咗去, 咁度門俾人大力開, 佢個反彈力咪大囉! 嗰個男人又因為想執人尾, 又搞度架車又係咁樣kick住咗..............大佬呀! 見唔倒就話啫! 見倒都仲要係咁? Li個阿嬸都唔知有無搞錯架! Li D人真係好討厭囉!!!  October 21 忙...........到透唔倒氣Diamond又上咗大陸勒..........  , 跟住嚟緊嘅兩星期佢都大陸 - 香港 - 大陸咁走..........."忙" - 係一個形容佢嗰時唔可以少嘅一個字!! 佢成日都好忙  , 每次見佢都好攰 , 有時放假都唔知好唔好叫佢喺屋企休息, 但我哋已經一個星期只係見一次同出一次街咋喎.....咁都唔見?! 咁同唔係拍拖有乜分別. 我都知自己有時想佢陪而又陪唔倒我嗰時, 真係忍唔住咁俾D說話佢聽, (有好多時都因為咁而嗌交), 但次次講完之後, 就會諗起佢又真係唔想, 邊個唔想放假? 邊個唔想去玩? 所以而家都希望自己盡量收歛自己D脾氣, 同自己講: 佢陪你都只係因為佢有責任心, 認真工作, 唔似某D人喺公司hea下, 浪費時間, 浪費公司資源上網睇股票, 個腦淨係識得諗住賺快錢, 一D都唔腳踏實地咁嘅男人好  .............唔係! 係好好好(下刪數百個好字)得多..................所以我會儘我所有嘅精神去支持佢, 因為佢忙極都唔會忘記所有重要日子...........  但係................今個月佢真係忙到唔記得咗...............  ..............唔緊要啦! 佢已經應承咗會補送番俾我架..........................希望佢記得啦...........October 20 Jan Jan's Park 終於開張嘞~~~~講左好耐話要開個blog, 成日都好懶, 的唔起心肝搞, 但琴日去左燒野食, 實在太開心, D相又影得好開心
 ,終於都係唔得, 都係要開個blog同人哋分享下 (唔理人哋覺唔覺或都睇唔睇倒啦! 總之我就係要開.....仲要好有火咁開) ha~~~~~ Anyway, welcome to my Blog~~~~~ n_n
|
|
|
