今個聖誕收倒三份禮物:

 

Li份係Queenie送嘅相架! 我仲諗緊點樣擺相呀! 如果有人諗倒, 麻煩留個言俾我, thanks!

 

Siu Yan同阿健送嘅冷帽同一本書...........Siu Yan仲同我講"你唔覺得本書係為你而設嘅禮物咩?" ~_~"

點呀佢哋? 係咪仲要我多謝佢哋嘅心思呀?! 真係激死人呀! 但本書確實又幾搞笑, 幾無聊喎!

 

Li份係飛梅送嘅! 我琴日開嗰時都覺得好複雜, 問佢有無玩過, 佢竟然話無........都唔知搵邊個求救好! 好彩, 以我嘅冰雪聰明, 終於知道係玩咩! 佢有盒Challenge Cards, 咁你要根據佢俾你嘅意思去做, 嗰D Challenge Cards有分: Beginner, Intermediate, Advanced, Expert, 我琴日玩咗第一張Beginner, 話咁快就玩完, 我心諗:"唔係咁簡單呀? 咁Li份野好快玩完咋喎!" 但到第二張即刻出事, 搞唔掂! 但我知道應該係因為琴日我太眼瞓, 所以腦閉塞諗唔倒, 我諗我今日應該OK架勒!    

 

今次去旅行實在太攰勒!

我哋又病病哋, 日日返到酒店,

個腦只係諗住快D搞掂晒D野就瞓覺,

所以我哋喺最後一日, 竟然無同D手信影大合照,

但唔緊要啦! 我今日已經將一D比較鍾意嘅影低咗!

 

Li D係粟米湯, 入面真係有粟米粒, 喺勁凍嘅天氣飲呢就會暖好多!

 

如果見倒寫住"熊出沒注意", 就會不自覺聯想到好得人驚, 件事好認真咁, 但如果加個"小"字喺前面, 就會覺得好得意勒! 諗起瑤瑤同細佬著起, 都真係幾搞笑喎! ha~~~~

 

開頭睇倒Li D黑色一舊嘅饅頭, 就忍唔住眇佢哋, 但試食完之後, 味道又真係OK喎! 無平時D日本野咁甜喎!

 

Li隻係好重黑芝麻味嘅朱古力

等去旅行就等咗好耐, 但真係去到, 嗰D時間就快到無影!

話咁快"北海道之旅"就咁就結束咗勒!

好唔捨得呀! 好想再去旅行呀!

雖然今次因為太凍嘅關係, 搞到我同Diamond都病病哋!

但總括嚟講都真係好開心!

尤其係我終於去咗浸溫泉!

原來真係好正好正架!

開頭我都考慮緊去唔去好,

成日都覺得好似好尷尬咁,

我諗同日本人一齊浸會無咁尷尬,

但同自己團友, 好似好唔知點咁,

好彩, 嗰間酒店sale暖水池同溫泉,

咁嗰日嘅行程其實好早就完咗, 返到酒店都只係5點零鐘,

個導遊"初生"(日文"趙先生")話可以去完暖水池游完水,

食完夜晚, 再去浸溫泉,

咁我同Diamond就走去暖水池諗住游陣水,

我一開頭其實諗住去完暖水池就算架勒!

但去到, 個暖水池原來係一個暖水按摩池, 出面露天個池又關咗,

咁我哋就去嗰度按摩咗一陣,

無幾耐, 我見我哋D團友陸續咁嚟暖水池,

咁我諗溫泉都應該唔會撞倒團友, 就算真係撞倒都只會係一, 兩個,

咁都無咁尷尬, 咁我哋就決定去浸溫泉,

Diamond話浸一個鐘頭, 我好驚咁話駛唔駛咁耐呀?

佢就話不如各自返房, 咁就大家想浸幾耐都得,

因為我係第一次去浸, 所以都唔知點樣開始,

喺邊度沖身又唔知, 總之行嚟行去, 最後好彩俾我撞見一個女人都係啱啱到,

咁我就跟住佢睇佢點做, (諗返都覺得自己白痴呀! ha~~~)

入到去正式落溫泉, 我先知道原來佢係我嘅團友,

不過, 又OK喎! 原來都唔係想像中咁尷尬,

我哋都有傾偈, 之後我話想出去浸露天溫泉,

佢都好好人咁同我一齊出,

嘩! 我哋出到去, 各自浸落個木桶溫泉嗰度, 幾舒服呀!

最衰無落雪啦! 如果唔係個FEEL一定好好多呀!

不過而家都唔錯架勒!

我都唔知浸咗幾耐勒! 但我知唔會係小時間囉!

到我返到房, Diamond一開門就話"你仲狼過我喎!" (ha~~~~)

不過浸完真係舒服好多, 成個人都鬆咗好多!

出發勒! 出發勒! 終於等到勒! 聽日就可以去旅行勒!

  

好緊張呀! 因為第一次去睇雪呀!

  

等我影多D相返嚟先!

  

終於都叫做執咗一大部份嘅行李勒!

次次旅行之前, 我都會處於緊張狀態, 成日好驚執漏野,

雖則, 就算執漏, 去到嗰邊都可以買,

但始終都係唔放心,

同埋秉住"帶多好過帶少"嘅精神,

我會不停咁塞D野落個喼度,

當佢塞到滿滿嗰時, 我就好似好放心咁架勒! (雖然依然都喺度諗係咪真係帶齊晒D野??)

上次去泰國, Diamond睇住我執行李,

佢都忍唔住問我"駛唔駛帶咁多野呀?"

佢都唔明白嘅! 女仔有好多野帶架, 有好多日用品要用架嘛!

我反而唔明佢點解會咁少野帶囉???

But anyway, 撇除執行李Li項麻煩程序, 我都真係好冀待個旅行嘅!

因為係我第一次去凍嘅地方嘛! (所以我今次就比之前更緊張, 因為要帶得比之前去旅行更多野呀!)

 

我張書枱已經俾好多野攻佔咗, 我都費事執勒....由佢先啦!

 

執咗一大半嘅喼, 好滿意呀! 因為未執晒都已經差唔多full咁濟!  

成日都聽人講, 一pair人要經歷一D難關, 感情就會更穩定,

我真係好希望Li個講法係真, 咁樣就會好似你咁講"我哋之後會越嚟越好"

 

 

今日又見倒瑤瑤同細佬, 好後悔無帶digital出嚟呀!

但我都用我部只有一百萬像嘅電話影咗相,

最衰唔係插卡啦! 過唔倒入電腦, 又唔識點裝番個藍芽喺個電腦度 >_<

anyway, 都好開心嘅!

佢哋更加開心啦! 因為Aunti婆今日帶佢哋去揀聖誕禮物.

 

雖然距離上次見細佬只係兩個星期倒,

但今次見佢, 佢又好似又大個咗,

講野雖然都係唔太清楚, 但都可以講倒個意思, (但依然仲叫我做"些蛇些"囉! @_@)

同埋佢開始有佢個想法, 同埋佢會為自己要嘅野堅持同爭取!

 

事件一:

我哋搭巴士出葵芳嗰時(係呀! 又係葵芳呀!)

都見倒細佬好攰, 好眼瞓,

咁Polun問佢係咪好眼瞓,

佢喺度點頭, 咁Polun就話"如果眼瞓就唔好買巴士勒!"

佢即刻話"我唔眼瞓呀!"

我話"你啱啱唔係話你眼瞓咩?"

佢竟然當聽唔倒, 又講第二樣野轉話題.....

咁到站, 我抱佢落巴士,

落到去, 我話"落地啦好唔好?"

佢唔肯, 咁算啦! 諗住佢攰就抱佢一陣啦!

但阿媽同Polun見倒就叫我放低佢, 由佢自己行,

咁我就話"唔緊要啦! 細佬咁乖, 抱佢一陣啦!"

當我講完, 細佬就不停擰頭,

我以為佢唔想我抱, 咁我就問"你係咪想落地?"

佢好慘話"唔要一陣, 我要好耐!".... (細佬幾時咁識講數架? ~_~")

 

事件二:

佢話想要一架巴士, 佢要求架巴士號碼係"914"號,

因為佢屋企留下有一架"914"號巴士,

Polun講笑話"不如唔好買啦! 屋企好多巴士呀!"

佢就發憫憎加不停打大脾話"我要買!",

Polun之後再講佢就已經當聽唔倒勒! (佢嘅絶招!)

後尾喺一間專賣巴士模型嘅鋪頭度搵唔倒"914"號巴士,

咁其他佢想要嗰D巴士, 又好貴喎!

咁無理由買一件貴嘅玩具俾綽號係"玩具殺手"嘅細佬架!

(依據佢阿媽嘅說法, 佢哋屋企已經有一個"廢車場"喺度)

後尾我哋都係睇中一架白色貨van,

咁就問細佬,"Li架van仔好唔好呀?"

佢就答"好呀! 我無玩過Li架呀!" (好彩細佬有時都仲係好無所謂.)

手工又幾OK, 到嗰位sales姐姐攞個盒出嚟,

先知Li架貨van係TOYOTA架! 假假哋都係名牌子架! (但唔知係咪真呢?)

 

事件三:

我哋喺新都會經過Laneige就入去睇下,

到我哋走勒, 細佬竟然唔肯走,

仲要係Polun拖佢走, 佢都仲想賴住唔走,

我都未見過細佬咁架,

出到去, 瑤瑤又話要睇番之前影咗嘅相, 又話要同我哋影相,

俾Polun拒絕入Laneige嘅細佬, 就轉移目標向我進攻, 喺隔離嘈住要入返Laneige,

嘩! 真係人都顛呀!

最後我俾咗個電話瑤瑤睇相,

再同細佬講, "只入去一次, 入完就走架勒!",

佢就猛咁點頭, 咁我抱住佢入去,

我一邊行一邊問佢"你想睇咩呀?"

佢竟然答我"我要照鏡" (真係俾佢激死呀!)

嗰度D sales見倒佢梗係開心啦!

但搞到我幾尷尬呀!

我哋照完鏡之後, 佢就即刻開心番晒!

 

嘩! 帶住兩個細路, 真係好辛苦架!

就算有多一個人陪你揍, 你都好攰,

佢哋曳, 你又想話佢哋, 但又要顧儀態,

唔話佢哋, 佢哋又唔知自己咁樣係唔啱,

唔只身體上攰, 而係精神都好攰,

好驚望少一眼佢哋就會整親,

"揍仔"都係一個學問嚟架!

生仔Li樣野, 都係要三思而後行呀!

最近不停喺我同朋友之間出現嘅話題就係"溝通",

我哋發覺越來越難去"溝通",

因為我哋開始有個疑問, 就係點樣去"溝通"? 點樣先真係成功"溝通"得倒?

我哋好似又返回基本步,

日日見住係咪代表就係"溝通"得好?

咁日日講電話係咪就係"溝通"得好?

就算你哋平時間唔中都會認認真真咁傾偈,

但原來出嚟嘅結果都唔代表係"溝通"倒..........

 

今日竟然又俾人誘咗去葵涌廣場(史上最邪嘅地方, 佢係可以令到一個平時唔會亂洗錢嘅人不停咁洗錢兼唔覺得係乜野事嘅地方, 簡直好似俾人落降咁.....)

誘我去嗰個人就係我阿媽......

琴日已經死喺新都會手上架勒!

我喺嗰度買咗對boot (我終於買咗對boot勒! 好開心呀!)

今日又買咗兩件衛衣諗住旅行著!

不過好彩嗰兩件衫係阿媽俾嘅啫! 咁都無咁傷.......  

今日本來好乖去游水架!

但臨門一腳撻Q, 就喺我執袋嗰時,

個電話響起, 見倒個來電顯示係Queenie,

都知唔會係好事..........

我無估錯, 佢喺Li D咁嘅時間打嚟,

大部份原因係誘惑我去行街,

而我............就咁就衰咗.........真係走咗去行街..........失敗!

到最後, 我...........我買咗好多野呀!

買嗰時唔覺得咩, 但返到屋企就有D罪惡感,

唯有不停同自己講"好抵! 好抵!"咁自我催眠,  

AR...........我D忍耐力實在太差勒  

 

最近發現Li首歌, 歌詞雖然簡單, 但聽完好開心: